Vieiros

Juan Veiga, o adestrador do Racing de Ferrol pediu esta semana o apoio da súa afección para superar ao Elche de David Vidal, e poder evitar os postos de descenso.

Os de Ferrol xa lle gañaron ao Elche na súa casa, e os puntos gañados na Malata contan moito. Ademais, no último partido, contra As Palmas, o empate sóubolles a pouco aos xogadores racinguistas, que agardaban traer máis puntos para a casa. Unha vitoria teríaos sacado dos postos de descenso.

Pero do outro lado están os intereses dos de David Vidal, que está conseguindo que o seu equipo se manteña nos postos de ascenso a Primeira; unha posición que han querer defender con forza.

O partido será o domingo ás 17:00 horas na Malata. Retransmíteo Localia.