Vieiros

O corte no acceso á ponte internacional General Artigas comezou o venres á noite, nun momento de gran circulación turística entre os dous países. O bloqueo foi adiante malia a que o ministro de Asuntos Exteriores de Uruguai, Reinaldo Gargano, pedíralle ao Goberno de Arxentina que impedise o corte neste acceso terrestre, un dous tres que comunican ambos países.

Este novo bloqueo súmase ao que realizan dende o 20 de novembro de 2006 os habitantes da cidade arxentina de Gualeguaychú na ponte cara á uruguaia de Fray Bentos, onde está instalada a polémica planta de Botnia. Deste xeito, actualmente só permanece habilitado un dos tres pasos fronteirizos entre ambos países, a ponte entre a cidade arxentina de Concordia e a uruguaia de Salto.