Vieiros

"O que fai o PPdeG agora é xerar unha alarma innecesaria na sociedade luguesa", laiouse Miguel Anxo Fernández, xerente do hospital lugués de Calde, asegurando que a lista de espera para cirurxía neste centro será de noventa días, cifra que se mantén "nos mesmos niveis do pasado ano", e rexeitando a barreira dos cen días que os populares aseguraban que se superara.

Lamentou Fernández que se comparasen datos do verán e posteriores, porque "non é o mesmo a lista de espera en verán e despois do verán". "Non se pode facer demagoxia, nin se poden empregar os datos de forma arbitraria e interesada como fan dende o PP", dixo.