Vieiros

A curtametraxe Punto Quilométrico 406, dirixido de forma colectiva por Raúl García, Marcos Méndez, Jorge Mosquera, Martina Pérez e Eva Rey (XERMEM), conta a historia dunha muller que intenta escapar do seu destino, mais xa está escrito. A obra proxectarase no Auditorio de Ourense o venres 28 de decembro, ás 21:00.

Este drama de ficción non subvencionado pola administración, é a segunda obra da produtora, que xa colleitou éxitos coa súa ópera prima No armario, gañadora do premio Curtas na Rede'07. O grupo formouse na Facultade de Ciencias da Comunicación da Universidade da Coruña. Os seus membros, de diversa formación previa, reuníronse co obxectivo de realizar integramente produtos audiovisuais creativos usando tanto os métodos tradicionais como as novas ferramentas virtuais.

Podedes ir achegándovos ao traballo destes cinco rapaces aquí, onde veredes a curta No armario.