Vieiros

O director de mercadotecnia de Blusens, Miguel Churruca, indicou que todos os aparellos que se comercializarán este Nadal, que calcula que será "entre 250.00 e 300.000", poderán obter eses contidos elaborados por EFE, froito do acordo de colaboración presentado onte no Melia Araguaney de Santiago de Compostela.

Cine, música, tendencias ou personaxes compón os catro paquetes iniciais con información audiovisual que, baixo o nome "Bluefepack", inclúense neste tipo de dispositivos que se perfilan como un dos "agasallos estrela" o próximo Nadal, indicou Churruca. Engadiu que para poder descargar eses contidos, os usuarios disporán dun código que, ao envialo por SMS, recibirán inmediatamente unha descarga con contidos de audio, vídeo ou fotos, que inclúe "videoclips, narracións noticias, vídeos sobre tendencias, personaxes, trailers, estreas ou actualidade".

Precisou que os produtos que se inclúen nos seus aparellos "non son a mera información que automaticamente vén á cabeza cando se fala de EFE, senón cantidade de contido alternativo especializado dedicado ao lecer e ás tendencia que ofrece o arquivo de EFE, tanto recente como histórico. É o bo de traballar con empresas con soleira", dixo.

A directora de mercadotécnica de EFE, Sandra López, comentou que a Axencia entendeu o que supón o mundo dixital e a auténtica revolución que estamos vivindo nestes momentos". López sinalou que estes produtos responden a unha adaptación á "transformación" que as tecnoloxías levaron a cabo "no xeito de consumir a información e na forma en que os cidadáns participan diso".

Opinou que a sociedade está asistindo a unha entrada nunha "era da participación e a instantaneidad", debido a que internet permite transmitir datos con rapidez a calquera parte do mundo, pero observou que é necesaria a "veracidade".

Nese sentido, salientou que eses representa unha "oportunidade" para as axencias de prensa e os medios de comunicación en xeral, como provedores de noticias e "vertebradores da información mundial". Asegurou que iso representa "un escenario que, desde logo non está exento de incerteza nin confusión, que se pode definir en tres palabras, 'dixital, interactivo e móbil', e que abre novos horizontes e novos retos que alcanzar".

Pola súa banda, o delegado da Axencia EFE en Santiago de Compostela, Arturo Larena, explicou que se trata dunha iniciativa pioneira, punteira e experimental que se fai en Galicia entre dúas empresas que vocación de avanzar en novos soportes informativos".

Blusens, unha das empresas galegas de tecnoloxía con maior crecemento en venda de DVD, reprodutores de MP3 e MP4, navegadores por satélite e outros artigos de electrónica de consumo, aspira a facturar este ano por valor duns 60 millóns de euros, o que, segundo Churruca, representa case o dobre da facturación do ano pasado, e pretende alcanzar o ano próximo os 100 millóns.