Vieiros

O espectáculo Aló Ultranoite! colgou o cartel de non hai billetes o pasado sábado. Por ese motivo, o sábado 15 volverá ofrecer a súa revista de actualidade, na que a polémica entre o Hugo Chávez e o Rei, a separación dos Duques de Lugo, e a posta en marcha das Galescola, serán os protagonistas. Teatro, cabaret, música, maxia, circo e videocreación conformarán a representación, que comezará ás once da noite na Sala Nasa.

Os encargados de darlle forma serán Miguel de Lira, Manuel Cortés, Xesús Ron, Pepa Yáñez, Clara Gayo, Os Monkillos, Merche, Manu Lago, Pista Catro, Berrobambán, Combo Roxo e Os da Ría, entre outros.