Vieiros

Insistían esta fin de semana desde a Autoridade Portuaria en que a molesta e cheirenta nube de fume que perturbou os coruñeses, e malia os seus elevados niveis de monóxido de carbono e dióxido de xofre, estaba lonxe dos niveis de risco para a saúde humana.

Así, o mal tempo favoreceu por un lado que os fumes espallados desde a morea de carbón se afastase da cidade. E por outra parte, o mesmo descenso de temperaturas facilitou tamén os traballos para remover e refrixerar o carbón en combustión gardado dentro da cúpula popularmente coñecida como "medusa".

Pola súa parte, a Asociación de Veciños d'Os Castros criticou o silencio do presidente da Autoridade Portuaria da Coruña, Macario Fernández, e anunciou que a convocatoria de mobilizacións fronte á propia sede da institución incluirá a solicitude da dimisión do máximo responsábel do porto coruñés.