Vieiros

"Sendo requiridos por Dom Pablo Carvajal de la Torre, representante legal de Dona Yolanda Castaño Pereira, a retirar do nosso site o desenho gráfico “Tu Quoque Iolanda?” e os comentários a ele adjuntos, baixo ameaça de demanda judicial por delitos de injurias com publicidade, e nom querendo ferir a delicada sensibilidade da nossa insigne poetisa, Aduaneiros sem Fronteiras, questionando-nos até que ponto tem sentido continuar a fazer humor gráfico neste país e a desenvolver umha autocrítica da razom galega, vimos de decidir fechar o nosso site em quanto o nosso legítimo direito à liberdade de expressom nom se veja a salvo de coacçons judiciárias fóra de lugar".

Así despiden este martes, agardamos que non por moito tempo, os Aduaneiros sem Fronteiras. Referencia do humor gráfico na internet galega, a irreverencia intelixente e o xenio retranqueiro que tan ben afinaran os Aduaneiros foi parar esta terza feira a algún camposanto cibertrónico. Apenas uns meses despois de que o Museo do Humor de Fene lles outorgara un dos premios Curuxa, recoñecéndolles o seu labor adicado "a investigar nos santos misterios da sociedade, política e cultura galegas", o humor bateu cos xulgados. Agardamos que gañe o humor.