Vieiros

Xa hai dous anos que comezou a andaina na rede dun blog dedicado por completo ás orquestras do país. O autóctono e irrepetíbel fenómeno dos macroespectáculos e dos numerosos seguidores que as agrupacións musicais levan detrás son o punto de partida de Orquestras e festas.

A única páxina que se pode comparar en temática é a de Xuvecurtis.com, que recompila unha longa listaxe de grupos e artistas con cadansúa páxina web e mais un libro de visitas con mensaxes dos seareiros. Pero no portal verbeneiro de Orquestras e festas ofrécese, ademais, un repaso detallado a toda a actualidade dos grupos, as datas dos concertos e mais fotografías e vídeos dos artistas e das actuacións, como esta da orquestra viguesa Tango:

Agora, co comezo do outono e o remate das festas do verán, as orquestras atópanse nun frenético proceso de renovación no seu cadro de cantantes e músicos, o que dá pé a fichaxes e cambios de banda das estrelas do sector. Todos os rumores e confirmacións pódense seguir no blog.