Vieiros

A interfaz do software permite que coa moleta de desprazamento do rato (ou a defecto as teclas "+ " e "-") o usuario poda achegarse á rexión elixida do ceo. Google Earth súmase así ás ofertas de astronomía na rede, como stellarium e celestia.

Co zoom para ver detalles máis finos é onde o programa revela todas as súas capacidades. O fondo negro deixa ver progresivamente milleiros de estrelas que tapizan literalmente o conxunto do ceo. Este formigueo en todas as direccións xa ilustra a inmensidade do espazo que nos rodea.

Logo desta primeira mirada, ofrécenselle ao usuario de Google Sky dous enfoques moi diferentes. Conservando todas as "etiquetas" e outros nomes de estrelas e de galaxias fixados na pantalla, o programa é ante todo educativo e informativo.

Este planetario convértese entón nunha poderosa ferramenta capaz de axudar á comprensión de fenómenos tan variados como a vida e a morte das estrelas, a formación e a evolución das galaxias afastadas. A maioría das fichas existentes aínda non foron traducidas a outras linguas e están en inglés.