Vieiros

Unha vez dentro do vagón, as posibilidades de conectárense á internet cun Pc portátil son aínda caras e complicadas. Precísase instalar unha tarxeta especial no ordenador o ligalo a un teléfono móvil e, aínda así, obtéñense uns resultados moi discutibles.

A situación está evolucionando se se escoitan os argumentos da Compañía Nacional de Ferrocarrís fraceses e Thalys. A primeira prevé darlles un acceso Wi-Fi aos viaxeiros do tren de alta velocidade (TGV) o ano próximo, logo dunha fase de probas que se presentará este outono. A operación farase en colaboración con Orange Business Services, Capgemini, Alstom e Eutelsat. A conexión, dispoñible e en continuidade para 320 km/h grazas a enlaces vía satélite, será proposta gratuitamente nos compartimentos de primeira e de segunda clase.

Logo deste período de proba, a SNCF fará o balance do experimento antes de decidir se comercializa ou non este servizo en 2008 sobre outras liñas do TGV. Pola súa banda, Thalys aliouse con varios operadores (Nokia Siemens Networks, 21 net e Telenet) para permitir o acceso a internet nos seus trens con destino a París, Bruxelas, Amsterdam e Colonia. O seu servizo, que lles será proposto aos pasaxeiros da clase Comfort 1 e Comfort 2, utilizará diferentes enlaces.

Unha antena instalada sobre o tellado transmitirá o enlace vía satélite. En caso de pasaxe baixo un túnel, a conexión envorcará automaticamente cara a unha rede UMTS para manter o acceso a Internet. O servizo terá un gasto de 1,5 ou 2 Mbps que será compartido entre os usuarios, o que pode limitar as súas ambicións: ningún problema para enviar e recibir mensaxes electrónicas, pero nin falar de mirar vídeos! A conexión podería ser gratuíta para os clientes da clase Comfort 1 e ascender a sete euros para os viaxeiros en Comfort 2.

En 2005, Thalys, sostido pola Axencia espacial europea, xa efectuara unha proba de viabilidade sobre a liña Paris-Bruxelles-Amsterdam.

O metro tamén

A idea inspiraría a outros transportistas, como Eurostar, que podería propor unha oferta similar entre París e Londres. Ata agora, a conexión Wi-Fi a Internet era posible só para a parada nas estacións equipadas con conexión wifi. A bordo dun tren, a operación pide unha certa destreza e medios.