Vieiros

Xa levan cinco anos organizando este concurso no que se premia con 300 euros o mellor relato curto de todos os enviados. Este debe de estar escrito en galego e non pode superar as 15 liñas. Ademais, este ano como norma principal, o texto deberá conter a palabra "toxo". O ano pasado a palabra obrigada era "croque", e o anterior "batea", e "peaxe" en 2004... e así fan cada ano.

Os relatos hanse de entregar antes do 31 de outubro e o xurado, composto, segundo contan dende a asociación A Lonxa Literaria, "por dúas persoas de recoñecido prestixio do ámbito da literatura", comunicará o seu fallo o día 15 de novembro.

Os mellores de entre os recibidos publicaranse na páxina web desta asociación, onde podedes tamén ler os gañadores doutros anos.