Vieiros

Sinaliza! é un blog creado hai pouco que recolle esas placas indicadoras das estradas do país que foron corrixidas por activistas normalizadores. Nalgúns casos, trátase de corrixir topónimos deturpados; noutros, de adaptalos á normativa reintegracionista. De todos os xeitos, o espazo pretende recompilar imaxes de todas as comarcas.

A bitácora fai un chamamento aos internautas para que fagan as súas contribucións: “Queremos fotos de Moanha, do Porrinho, do Berzo, de Val-Boa, de Culheredo, de Silheda, de Marim, da Póvoa da Seabra, de Sam Sadurninho...” até completar todos os concellos de áreas galegofalantes, nunha reivindicación da ortografía “histórica e a forma tradicional dos nomes”.

Até o momento, hai imaxes de zonas como Ferrol e Compostela e mesmo tiradas no mesmo momento en que os activistas executaban a súa acción normalizadora.