Vieiros

Os Gobernos interesados en combater o suborno terán unha ferramenta para enfocar os seus esforzos, segundo Michelle Gavin, do Consello sobre Relacións Exteriores e tamén membro do directorio de Trace Institute, unha asociación sen ánimo de lucro que presentou o seu sitio de internet Bribeline, onde se recibirán as denuncias sobre incidentes nos que a alguén se lle esixiu ou pedido algunha forma de subornos.

A páxina de internet preséntase en 14 idiomas, e os usuarios poden dar conta das instancias en que encararon unha demanda de suborno mediante un proceso sinxelo no cal poden identificar se o demandante foi un funcionario de goberno, policía, militar, lexisladores, xuíces, empregados de aduana ou autoridades municipais.

Entre as compañías que xa se sumaron ao esforzo de Trace para acumular informes sobre subornos en calquera parte do mundo cóntanse Wal-Mart, Target, ITT, UPS, FedEx, Intelsat e Rolls-Royce.