Vieiros

O complicado acordo arredor do tratado constitucional que definiron os líderes da Unión Europea estes días foi avaliado moi criticamente polo ex presidente da Comisión Europea e actual primeiro ministro italiano, Romano Prodi.

"En moitos anos nunca vira con tanta claridade a existencia de dúas Europas", explicoulle Prodi ao diario La Repubblica, "unha é a Europa da maioría, que cre e desexa avanzar, e a outra é a que persegue unha redución do papel da Unión Europea coma obxectivo político estatal". "Como europeo, permítome estar desgustado polo espectáculo e posicionarme en contra do visto estes días", subliña Prodi.