Vieiros

É posible ter vida privada cando nos conectamos a Internet? Anonimato incerto, perigo dos datos persoais, spams, amenazas para os menores... O organismo da Unión Europea encargado de vixiar a protección de datos ampliará a súa investigación sobre os buscadores de Internet, máis alá do líder do sector Google e escribirá unha misiva de resposta á compañía, explicou o xoves unha fonte da Comisión Europea.

Os expertos comunitarios xustificaron a súa decisión en que "este asunto afecta a un número crecente de usuarios" de internet.

O organismo da UE enviou o mes pasado unha carta a Google, un dos principais motores de busca por internet, para que a empresa explicara por que conservaba entre 18 e 24 meses os datos sobre a información que buscan os seus usuarios.

Google respondeu este mes que reduciría ese período a un máximo de 18 meses e tamén anunciou compromisos noutros aspectos da privacidade das "cookies", que son pequenos programas informáticos que se instalan en cada equipo que visite determinados sitios de internet.