Vieiros

O novo sitio web da Rede de Bibliotecas de Galiza pretende achegar as bibliotecas do país ao público. Ofrece servizos tanto para profesionais como para os usuarios, como un metabuscador e o acceso a unha biblioteca dixital. O seu enderezo é rbgalicia.org.

A páxina, xestionada pola Consellaría de Cultura e Deporte, ofrece, ademais, un servizo de atención ao usuario e de resolución de dúbidas, tanto referidas á web como ao servizo de bibliotecas en xeral.

As utilidades destinadas ao persoal técnico bibliotecario inclúen información sobre cursos, documentos, grupos de traballo na rede e recursos para mellorar a atención aos usuarios.