Vieiros

Catro actrices novas, que se descoñecen entre elas, fan a viaxe de Barcelona a Catoira seguidas por unha cámara dixital, sen un guión definido. Segundo conta o director do filme e de PVC Teatro, Óscar Vinilo, é un documental da "vida de 4 mulleres durante 7 días, qué pensan sobre la vida, o sexo, o mundo das artes escénicas, a morte. Documéntase a festa do desembarco viquingo na poboación de Catoira. É diversión e é emoción."

Entre o documental, o road movie ou o reality show, a entradiña desta nova parece ser a sinopse do filme, o primeiro rodado segundo o "Postdogma", definido na web da película como o novo Dogma segundo o cal só hai una norma: "se tes os medios, fai o que queiras coa película, toques, retoques, música, montaxe..."

O traballo é o resultado de máis de 20 horas de filmación nos sete días de viaxe. Conta cunha basta banda sonora con algún temas de grupos galegos, como o "Berbés" de Cenk ou "Cangas do hostiazo" d'O Jarbanzo Negro.

Descoñecendo o resultado, se cadra pode ser unha boa brincadeira mentres se agarda ver o arroutado desembarco viquingo en Catoira, recomendábel para quen non poida visitar as Torres do Oeste os primeiros días de agosto.

Estrea do filme: Barcelona-Catoira
Dirección: Oscar Vinilo
Reparto: Lorena Esteban III, Montse García i Amat, Patricia González Tamayo, Yaiza Clavijo Rangel
Duración: 90 minutos.
Sinopse: Catro descoñecidas fan a viaxe de Barcelona a Catoira para gozar da festa viquinga.

9 de xuño de 2007, 20:45 h

Lluïsos d'Horta
Feliu i Codina, 7 | Barcelona

Metro: Liña 5 - Horta / Liña 3 - Valldaura.
Autobuses: 10, 39, 45, 86, 87 i 185.

Entrada: 2 euros