Edición xeral
Os golfiños do mundo non se entenden
Os que viven fronte á costa de Gales asubían e xemen nun dialecto diferente aos que están fronte á costa de Irlanda, segundo un estudo científico.
Non todos os golfiños 'falan' a mesma 'lingua'
Os investigadores Ronan Hickey, estudante de doutorado da Universidade de Bangor (Gales) e Simon Berrow, o seu titor, da Fundación de Golfiños de Shannon (Irlanda) chegaron á conclusión de que "os diferentes medios físicos poderían contribuír a que os mamíferos desenvolvan series de vocalización distintas ou dialectos".
Berrow supervisou a tese do estudante Ronan Hickey. Este analizou 1.882 asubíos de golfiños do estuario de Shannon e golfiños comúns ou de nariz de garrafa da baía de Cardigan, Gales, e identificou 32 categorías de son diferentes, oito das cal foron producidas só polos animais de Shannon.
"A idea de que os sons son diferentes non é unha noción errónea. É lóxico, dada a diversidade de rexións nas que residen" sinalou Berrow, quen engadiu que vai usar os datos para crear un dicionario.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto