Vieiros

"Votando esta lei os dous partidos amósanlle ás nosas tropas, aos iraquís e ao inimigo que o noso país apoia os homes e mulleres nas zonas en conflito", destacou George W.Bush na súa intervención ao respecto na Casa Branca, agoirando que os próximos meses haberá fortes combates e recoñecendo que o goberno dos EUA espera máis vítimas no seu exército.

Na práctica, o Partido Demócrata apanda co proxecto dos rivais do Partido Republicano despois do veto imposto polo presidente á súa proposta para retirar as tropas a partir de outubro. Malia que os republicanos quedaron en minoría nas dúas cámaras, os demócratas non chegan á maioría de dous terzos necesaria para evitar os vetos. Con todo, conseguiron introducir algunhas emendas para a esixencia da demostración de progresos na xestión das axudas entregas ao goberno iraquí.

Máis en The New York Times