Vieiros

"Conéctate, quero que saibas que esta noite soñei contigo, que paso minutos e segundos desexando que esteamos xuntos. Coa túa clave por favor. CONÉCTATE!!". Esta declaración de amor, titulada "Amor Internauta", é unha das presentadas ao concurso Lingua de Amor, organizado polo Días das Letras, que tamén é o Día de Internet.

O Consello da Xuventude de Galiza busca a mellor declaración de amor en internet para "normalizar a lingua e a cultura galegas" e, de paso, celebrar que a rede tamén serve para facer as beiras en galego.

Prazos e premio
O certo é que o concurso está a ter éxito abondo, pois xa son máis de 500 os internautas que se apuntaron.

Aqueles que estean interesados aínda están a tempo, pois o prazo remata o 15 de maio. As declaracións, iso si, son anónimas. Hai tres premios previstos, que inclúen unha cámara de video dixital para o gañador.