Vieiros

Os empresarios Alberto Cortina e Alberto Alcocer elevaron a súa participación no capital social de Ence até o 21,003% ao comprar títulos da empresa por valor de 16 millóns de euros. Deste xeito, os ex-banqueiros coñecidos popularmente como “os Albertos” consolídanse como primeiros socios da compañía papeleira por diante do seu presidente, Juan Luis Arregui, que posúe o 19,56%.

É a segunda compra de títulos de Ence que fan os dous empresarios no que vai de ano, cun investimento total de 41 millóns de euros. Na anterior operación, o mes pasado, acadaran o 20,08% do capital social e convertéranse nos principais socios. Outros propietarios de referencia de Ence son, ademais dos Albertos e de Arregui, Caja Asturias, co 5,772%, e o presidente de Unión Fenosa, Pedro López Jiménez, co 5,006%.