Vieiros

Ahí va la hostia, Patxi, ¿has visto cómo quedó el Guggenheim después del atentado?

Esta foi a crítica-chiste que o pobo lles fixo a Frank O. Gehry, á Guggenheim Foundation e á Administración euscalduna. Demoledora. En Galiza sempre soubemos facerlle mausoleos á cultura, coroados pola obra cumio-do-Gaiás. Agora, até o Goberno estatal se apunta e fala de que sirva para tender «pontes» a Iberoamérica (virgensita, que sexa só unha metáfora...). Outro poder metido a aparellador é a SGAE. Será por cartos. En Madrid, dispútalle Príncipe Pío nos tribunais a Stage Entertainment. Aquí, de-constrúe este edificio en Vista Alegre, un grande acerto arquitectónico cunha mensaxe clara: «somos indestrutíbeis». Entrementres, a xente que fai cousas descubriu a chantaxe petróleo-por-alimentos dos dereitos de autor, sóbeas de balde á Internet e constrúe o espazo cultural do século XXI. E esta obra que aquí vemos non resiste nin de chiste a crítica do pensionista galego medio.

Artigo publicado na edición impresa de TEMPOS Novos (nº 118, marzo de 2007)