Vieiros

As historias non poden superar os cinco minutos, e haberá varios niveis de participación: Primaria, 1º ciclo de ESO e 2º ciclo de ESO e ensino postobrigatorio. Nunha primeira fase, o concurso realizarase internamente dentro de cada centro educativo, e unha vez que se escolla ás persoas con máis leria, inscribiranse até o 5 deabril na segunda fase, a nivel nacional. As inscricións deben enviarse á AS-PG, á Rúa Laracha, 9, baixo, 15.010, A Coruña. Tamén se pode recorrer ao teléfono e fax, 981 278 259, ou ao correo electrónico (informacion@as-pg.com).

Na segunda fase, as historias serán contadas no Teatro Principal de Compostela en dúas xornadas: o 19 de abril, para infantil e primaria, e o 20 para o ensino secundario e postobrigatorio. Haberá un premio de 250 euros para a persoa que mellor saiba contar historias, e, se o xurado o estima conveniente, un segundo premio de 150 euros. O xurado estará representado por tres persoas alleas aos centros de ensino. Como secretario, haberá un ou unha representante da AS-PG, e o fallo emitirase no mesmo día. Xa podedes ir colleitando ou inventando historias!