Vieiros

O núcleo duro á beira do presidente estadounidense impide de momento que as recomendacións de Gates se convirtan en realidade.

Segundo publica este venres o New York Times, Robert M. Gates insistiu en que o buraco de Guantánamo fai "ilexítimo" aos ollos da comunidade internacional a estratexia antiterrorista dos Estados Unidos. Na súa opinión debera ser pechado canto antes.

Gates amarrou ás propias declaracións públicas do presidente George W. Bush, que suxeriu a posibilidade de que a medio prazo os EUA renuncien a manter aberto Guantánamo. Segundo Gates, todos os presos deberan ser trasladados a territorio estadounidense, na convicción de que iso fará máis críbel os procesos xudiciais e debido a que a propia existencia deste limbo alegal "obstaculiza" os esforzos bélicos do goberno Bush.