Vieiros

Turquía estabeleceu a prohibición do uso de calquera lingua que non sexa o turco para todo tipo de actos políticos no seu territorio. A cancela tamén lle impide aos partidos a difusión de publicacións impresas noutras linguas. Ao propio Ahmet Turk xa lle impuxeran hai pouco outra condena de ano e medio de cárcere pola publicaciçon de propaganda do seu partido.

Agora, un tribunal local decidiu que as súas referencias a Abdullah Ocalan, co emprego da palabra "Señor", implican "eloxio do crime e do criminal". Ocalan cumpre condena perpetua na actualidade na prisión de Imrali e a formación política que lideraba, o Partido dos Traballadores do Curdistán, está ilegalizada.

A pasada semana, os avogados de Ocalan denunciaron desde Roma que o líder curdo foi envelenado no cárcere. O ministro turco de Xustiza asegurou que eran "mentiras", pero así e todo, o goberno aprobou o envío de tres médicos para realizar unha investigación ao respecto.