Vieiros

Despois da eclosión do folc, do hip hop, do punk, e mesmo do techno e o power pop, cómpre non esquecer que en Galiza temos unha importante canteira de grupos de metal, en todas as súas vertentes (trash, black, death, progresivo, gothic, clásico...) Falcatruada acaba de editar Gallaecian Metal Compilation, dous cedés (Lusco e Fusco) coas mellores bandas do heavy galego: vinte e seis temas de bandas de todos os estilos, dende os prometedores Talesien, da Laracha, até os míticos Trashnos miñotos. Aquí abaixo, un dos temas dos que poderemos gozar no disco, Dream master, de Talesien (nun directo na Sala Capitol o pasado mes de novembro):