Edición xeral
O restablecemento da gratuidade da ensinanza e da atención médica comeza a aplicarse en Nicaragua
No que respecta á educación, o novo ministro de Educación nicaragüense, Miguel de Castilla, reiterou este mércores aos directores das escolas públicas do país a prohibición a cobrar por matrículas, mensualidades, material escolar, ou calquera outro tipo de gasto relacionado tal como as coñecidas como "cotas voluntarias", solicitadas como contribución para a reparación das instalacións dos colexios. Outra medida de gran impacto social nestes días foi o anuncio da titular de Sanidade, Maritza Quant, de suprimir os servizos privados de atención médica que existen dentro dos hospitais públicos de Nicaragua.
Segundo informa a axencia de noticias Prensa Latina, está previsto que a aplicación das medidas anunciadas polo titular de Educación provoquen unha explosión de matrículas a partires do curso escolar 2007 (que comeza a finais de xaneiro).
Ao redor dun millón de nenos que permanecen fóra do sistema escolar debido a que os seus pais non poden costear os gastos esixidos, ingresarán de golpe no sistema educativo. O ministerio de Educación prevé a contratación de 900 novos mestres para afrontar a avalancha.
Pola súa banda, Quant tamén informou de que os pacientes tampouco terán que pagar polos medicamentos, as operacións cirúrxicas e as probas clínicas que se lles realicen dentro das unidades de saúde estatais.
- Anteriores: Os sandinistas volven ao poder en Nicaragua
Daniel Ortega asume de novo a presidencia de Nicaragua
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto