Vieiros

Poderemos ver de novo O Pesadelo de Darwin, que xa pasou por Cineuropa e por varios ciclos: o exitoso documental de Hubert Sauper trata a alteración do ecosistema de certas multinacionais no centro de África, cando se introduciu a perca no Lago Victoria. Ademais de destruír toda a fauna autóctona, o negocio estabelecido alí, de intercambio de peixe por armamento, sumiu na máis fonda das miserias e na incapacidade da autoxestión á poboación de Tanzania ou Kenia.

Tamén o documental español Estrelas de La Línea, de Chema Rodríguez,que conta como un grupo de mulleres que vivían na extrema pobreza e toptalmente marxinadas nas vías do tren en Guatemala montan un equipo de fútbol, pero son marxinadas por traballaren como prostitutas.

Por América Latina seguimos até chegar á Arxentina de 1976, a un momento clave na ditadura de Videla, cando varios estudantes son secuestrados, torturados e asasinados. Héctor Olivera relata, por medio dun filme de ficción, A noite dos lapis.

No límite entre Israel e Palestina localízanse dous dos filmes: Hanna K., do cineasta Costa Gravas, conta a crise dunha avogada neste territorio. Domicilio Privado, de Saverio Constanzo, conta a situación dunha familia atrapada na súa propia casa polas tropas israelís.

Por último, poderemos achegarnos á Ruanda do xenocidio entre hutus e tutsis da man de Terry George no filme de ficción Hotel Ruanda, no que un home dá acubillo a centos de refuxiados no seu hotel mentres agarda por unha intervención que poña fin ao conflito. E, n'O crimen de Cuenca, Pilar Miró achéganos a unha historia real: a de dúas persoas que se confesaron culpábeis dun crime que nunca existiu despois de padeceren tortura por parte da Garda Civil. Velaquí o programa completo:

Luns 15:

• 20:30: O pesadelo de Darwin, de Hubert Sauper
• 22:30: Domicilio privado, de Saverio Costanzo

Martes 16:

• 20:30: Hanna K., de Costa-Gravas
• 22:30: Estrelas da Liña, de Chema Rodríguez

Mércores 17:

• 20:30: A noite dos lapis, de Héctor Olivera
• 22:30: O pesadelo de Darwin, de Hubert Sauper

Xoves 18:

• 20:30: Domicilio privado, de Saverio Costanzo
• 22:30: O crime de Cuenca, de Pilar Miró

Venres 19:

• 20:30: Hotel Ruanda, de Terry George
• 22:30: Hanna K., de Costa-Gravas

Sábado 20:

20:30: Estrelas da Liña, de Chema Rodríguez
• 22:30: Hotel Ruanda, de Terry George

Domingo 21:

20:30: O crime de Cuenca, de Pilar Miró
• 22:30: A noite dos lapis, de Héctor Olivera

As localidades véndense no despacho de billetes do teatro a partir das 18:00, no teléfono 902 434 443, ou na internet: www.caixagalicia.es. O prezo é de 3 € por cada filme, aínda que hai abonos de 14 € para sete filmes.