Vieiros

"Os retos que temos son inmensos", afirmou Daniel Ortega no acto de toma de posesión do seu cargo á fronte de Nicaragua. Máis de cen mil persoas xuntáronse en Managua para escoitaren o seu primeiro discurso oficial como presidente, no que se preguntou "a onde vai parar a riqueza das políticas neoliberais aplicadas en Nicaragua?". "Temos o reto de abrir un novo camiño que lles permita ás familias vivir con dignidade", explicou. Na mesma xornada, anunciou a incorporación do seu país á Alternativa Bolivariana das Américas, Alba, proxecto promovido por Venezuela fronte á Área de Libre Comercio para as Américas, Alca, impulsada polos Estados Unidos. Máis en El Nuevo Diario e La Prensa