Edición xeral
Política Territorial esixe a paralización de 1.350 vivendas en Foz
A Consellería de Política Territorial, a través da Dirección Xeral de Urbanismo, esixiulle ao Concello de Foz a anulación de 40 solicitudes de licenzas municipais para a construción de 1.350 vivendas. Segundo figura no requirimento, estas "infrinxen o ordenamento xurídico vixente" xa que foron aprobadas despois de que o pleno do Concello acordase a suspensión de licenzas co obxecto de iniciar os trámites para a redacción dun novo Plan Xeral de Ordenación Municipal. Ademais, as licenzas tampouco contan con informe xurídico, cuestión determinante para advertir á Xunta de Goberno local de que o acordo adoptado polo Pleno cinco días antes impedía a concesión destes permisos.
A Xunta de Goberno local aprobou ditas licenzas o 29 de marzo, cinco días despois de que o Pleno do Concello de Foz acordase a suspensión de permisos de parcelación de terreos e edificación no ámbito do solo urbano clasificado na vila de Foz, así como os permisos de parcelación nos núcleos rurais.
Tras recibir o requirimento, o Concello de Foz dispón dun mes de prazo para proceder a anular os acordos de licenzas adoptados no pleno do 29. En caso contrario, a Xunta de Galicia "adoptará as medidas legalmente procedentes para conseguir o pleno restablecemento do ordenamento xurídico vulnerado", segundo figura no texto.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto