Vieiros

O prezo medio da vivenda nova nas capitais de provincia do estado aumentou un 9,8% ao longo de 2006. O custe medio do metro cadrado situouse en 2.763 euros. Segundo adiantou a Sociedade da Tasación (ST), hai que ter moi en conta o seguinte dato: a subida dos pisos foi moito máis acentuada no primeiro semestre. Os tasadores sinalan que mentres no primeiro semestre a suba dos prezos foi dun 6,3%, no segundo só chegou ao 3,5. Outros analistas prognostican unha suba dun 8% para o ano 2007, aínda que hai quen opina que a inflación na vivenda podería ser incluso menor a esta cifra debido ao nivel de endebedamento das familias.