Vieiros

En nome da asociación de veciños San Cristóbal de Portonovo, Xermán Prieto recuperou para a luz pública estas transacións logo de escoitarlle dicir ao alcalde de Sanxenxo, Telmo Martín, "que nunca recualificaría terreos para a súa empresa, Construcuatro". Prieto explica que a escritura de comra-venda "demostra que a promotora Construcuatro participou na adquisición e posterior venda deses terreos antes e despois de que se aprobase o PXOM, unha zona que actualmente se está urbanizando e que se sitúa en pleno centro de Portonovo".

Prieto detalla a implicación do propio alcalde de Sanxenxo nesta operación inmobiliaria, relatando que a empresa comprara a primeira leira en 2000, unha extensión de 1.760 metros cadrados, a segunda en 2001, 758 m2 e a terceira en 2004, 1.211 m2, esta última despois da aprobación do PXOM. "A única lóxica que vemos aquí é que unha empresa do alcalde participou non proceso especulativo dous terreos, para ou que el, ou alcalde, tivo que cometer un presunto delicto de negociación prohibida á funcionarios", denuncia o representante dos veciños. O colectivo envioulle copia da documentación da que dispón á propia dirección do PPdeG, e solictáronlle tamén ao alcalde, Telmo Martín, que fose declarar voluntariamente á fiscalía.

Alén disto, os veciños advirten de que se esta construción se acaba autorizando vai incrementar o risco de anegamentos, xa que "interrompe o humidal do río". Con ese argumento presentaron hai xa dous meses unha denuncia diante da Garda Civil. A urbanización contaba con licenza do Concello pero non tiña autorización da Consellaría de Medio Ambiente. O xulgado de Cambados ordeou agora que se paralizasen as obras desas 96 vivendas de luxo e o Servizo de Portección da Natureza da Garda Civil executou a orde xudicial esta mesma fin de semana.