Vieiros

Están xa traballando na versión 3.0 e da cibercociña brincará á rede o próximo 27 de outubro o Firefox 2.0. A comunidade Mozilla convida a internautas de todo o mundo a unírense para celebralo e de paso amplificar a nova e conseguir máis fieis para esta ferramenta de navegación. En Galiza, a única convocada deica agora será nas Pontes, promovida pola asociación Amigus. A outra Firefox-romaría máis próxima será en Braga, na Universidade do Minho, convocada por GNU-Linux Portugal. A recente publicación do Internet Explorer 7 que non supera á versión actual do raposo, agóiralle máis cota entre os usuarios para o Firefox, aplicación desenvolvida colaborativamente entre programadores de todo o mundo.