Vieiros

"O test nuclear foi realizado ao 100% co noso coñecemento e a nosa tecnoloxía", recolle o comunicado difundido pola axencia norcoreana de noticias, KCNA. Desde Corea do Sur, onde o goberno puxo en alerta as súas tropas, confirmaron a detección dun movemento sísmico de preto de catro graos na escala Richter cara ás 3h36, hora galega. Segundo os primeiros datos, o goberno de Corea do Norte tería avisado ao executivo chinés en Beixín da proba atómica vinte minutos antes da súa realización. Con este paso, Corea do Norte pasa a ser o quinto país da área asiática que dispón de armamento atómico e desafiou cun ensaio aos seus veciños, despois de que ao longo das décadas pasadas o fixesen Rusia, China, a India e Paquistán. A proba coincide co noveno aniversario da chegada ao poder de Kim Ion-il e na semana da conmemoración da fundación do partido comunista norcoreano.

• Anteriores: Corea do Norte anuncia que probará a bomba atómica polo temor a unha agresión dos EE.UU
• Corea do Norte desafía a comunidade internacional lanzando o seu sétimo mísil en poucas horas
• Última hora: CNN, Korean Herald e Korean Times