Vieiros

"Com vontade de continuar com o caminho andado, mas também com vontade de mudar." O 25 aniversario e as mudanzas sociais e políticas que están tendo lugar no país motivan á SCD do Condado para ampliaren o seu programa. "25 anos fazendo país, 25 anos construindo futuro no caminho da liberdade", é o lema dun festival xa consagrado. Esténdese un día máis, e facilita o acceso do público con autobuses e trens gratuítos dende Vigo, por primeira vez.

Comezará xa o xoves con exposicións nas Covas de Dona Urraca e na Casa do Conde: a pintura de Ánxel Huete, vencellado ao festival dende os comezos, o xa falecido vigués Francisco Mantecón, vencellado ao omvemento Atlántica, Xosé Guillermo, Mario Granell, irmán de Eugenio e pupilo de Camilo Díaz Baliño, e Xosé Lodeiro, ademais da fotografía de Manuel Sendón e Xosé Luís Suárez Canal. Tamén haberá unha mostra retrospectiva dos 25 anos do festival, e outra de instrumentos tradicionais portugueses (concertinas e acordeóns dende Valença, con Carlos Pedrosa, ou as gaitas e violas vianesas de Fernando Portela) e galegos: requintas dende Lavadores (Vigo), con Gonzalo Rodríguez Caride, ou as de Calo, de Oli Xiráldez; zanfonas dende Sarriam con Germán Arias López, Antas de Ulla, con Pablo Cid Patedo, ou Outeiro de Rei, con Xaneco, ademais das palletas de Rubén, dende O Incio, e as harpas e bouzoukis que trae dende Soutomaior Lorena Reinaldo e Luís Martínez.

Poderemos lembrar ao poeta da Terra Chá dous anos despois do seu pasamento: Manuel María, de Margarita Ledo, será proxectado ás 20:00 na Casa da Cultura, e despois comezará a Noite dos Açores, atravesada pola fonda voz de Zeca Medeiros, nas Covas de Dona Urraca ás 23:00 (A entrada custa 10 €). O venres, ademais de continuar con máis proxeccións (as curtas gañadoras do Festival de Cans serán proxectadas na Casa da Cultura ás 20:30) e dun mercadiño na pRaza da Oliva, Xurxo Souto introduciranos no festival de hip hop e ska que levarán adiante os galegos Dios Ke Te Crew, os vascos Betagarri e a italiana Banda Bassotti.

Á fin, o sábado, Mofa e Befa conducirán o festival de poesía. A xornada comeza ás 11:00 cunha marcha popular, animada por Coper@ctiva Cultural, a murga Brisas, de Tomiño, e os Gaiteiros Bailía, e ás 12:30 terá lugar unha presentación de poetas e sinatura de libros. Ás 16:30, os máis cativos poderań gozar dunha festa co grupo musical Mamá Cabra e o emocionante espectáculo de peter punk e os zancudos de Cooper@ctiva Cultural, ademais de Ultraligeiros. Xno que conviven as voces de Cesáreo Sánchez, asiduo xa das primeiras ediciońs do Festival, a estradense Antía Otero Rodríguez, Lucía Novas, que xa participara na XVI edición, Xulio López Valcárcel , que ten tamén participado nas primeiras edicións, Eduardo Estévez, José Alberte Corral Igrejas, Lucía Aldao, Luz Fandiño, María do Cebreiro, Sechu Sende e Marta Dacosta. Como convidados participan a eusquera Leire Bilbao, o portugués Luis Filipe Cristovão, e o mozambicano Guita Jr. Tamén gozaremos da música das cantareiras de Salceda de Caselas Donicelas, Tino Baz, A Quenlla e Miro Casabella, os lusos Terrakota e Lamatumbá.