Cimadevila abandona definitivamente a súa tentativa de cruzar o Canal da Mancha
Logo de máis de nove horas de travesía, o nadador discapacitado Pablo Cimadevila viuse este mércores na obriga de abandonar definitivamente a súa tentativa de cruzar a nado o Canal da Mancha. A proba desenvolvíase con normalidade ata que o observer da asociación (equivalente a un xuíz dunha competición) informou ao adestrador do nadador do cambio de mareas que se estaba producindo o cal impediríalle ao nadador avanzar frontalmente. Aínda que segundo Cimadevila "houbese podido seguir catro ou cinco horas máis", este esforzo non sería suficiente para chegar á costa francesa.
Malia isto, as sensacións foron boas e tanto o piloto do barco como Miguel López, o adestrador do pontevedrés aseguraron que cunha marea a favor o houbese logrado. Cimadevila agradeceu o apoio recibido polos medios e deixou entrever que despois dos xogos de Pequín "quen sabe" se o volverá a tentar.
Anterior: A forte ondada impide a Cimadevila cruzar a nado o Canal da Mancha
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto