Vieiros

"Mantén Arxentina a súa plena convicción de que os emprendementos proxectados, pola súa magnitude, localización e tecnoloxía, son incompatíbeis coa preservación da calidade ambiental do río Uruguai e as súas zonas de influencia". Ás portas do cumio de xefes de Estado do Mercosur, así se dirixe oficialmente o ministerio de Exteriores arxentino ao Banco Mundial, instándolle a paralizar a importante inxección económica para o impulso das papeleiras que as empresas Botnia e Ence constrúen en Uruguai, á beira da fronteira con Arxentina. O executivo Kirchner segue confiando en que a revisión final do proxecto na Corte Internacional da Haia remate sendo favorábel ás súas reclamacións contra as celulosas.

• Anterior: O Tribunal Internacional rexeita suspender as obras das celulosas uruguaias