Vieiros

Ademais, coa fin de concienciar á sociedade da inxustiza desta medida, a plataforma Todos Contra o Canon lanza a campaña 'O canon aféctache. A túa asinatura conta'. Paralelamente, tratarán de conseguir apoios cualitativos de persoeiros destacados do mundo da cultura, a política, as artes, os deportes, etc., que apoien ainiciativa, baixo o lema 'NON ao canon con nome propio'.

Desde a plataforma consideran inaceptable a Lei de Propiedade Intelectual, e trátana de "fraude" porque "é unha lei utilizada para subvencionar a entidades privadas", en referencia ás xestoras de dereitos de autor como a SGAE. Non ten en conta os dereitos dos consumidores, que terán que pagar igualmente o canon por mercar calquera sistema de reproducción dixital (non só CDs ou DVDs, senón tamén calquera reproductor de MP3, móbiles, escáneres...), vaian ou non usalo para facer copias privadas, nin pensa demasiado nos autores, xa que son moi poucos os que realmente acaban cobrando a parte que lles corresponde polos seus dereitos de autor, polo que a plataforma considera a lei refírese, máis ben, aos dereitos "dos intermediarios dos dereitos de autor". Por outra banda, non ten en conta os novos modelos de licenza como o copyleft, polo que consideran esta unha lei obsoleta desde o seu nacemento.