Vieiros

Xa pasou por Pontevedra, Coruña, A Estrada, Silleda, Cangas, Vilagarcía e Celanova. O martes 23 ás 21:00 foi presentado no Teatro Principal de Compostela, e aínda ha pasar por Monforte (o 25 deste mes), Teo (o 27), Lugo (2 de xuño), Porto do Son (9), O Barco (10), Ferrol (15), Boiro (16), Marín (23) e Vigo (30).

Aillados pon fronte á cámara a cinco dos milleiros de presos que estiveron recluídos na Illa: Alfredo Bautista "Reisiño", Antonio Salvador Caja, Antonio Piñeiro, Xaquín Nores, Manuel Barros... E moita outra xente vencellada a aqueles feitos, como Teresa Blanco, que namorou dun dos presos durante as visitas ao seu rimán, con quen casou despois. A tensión de non saber cando ían morrer, as precarias condicións de hixiene e alimentación, a crualdade das humillacións e a rabia de sentir que non houbo xustiza son constantes ao longo das imaxes. O traballo de investigación de Antonio Caeiro, Juan A. González, e Clara Mª de Saá frutificou nesta xoia cinematográfica, que poderemos ver ao longo da xeografía galega até o verán.