Vieiros

As galerías Trinta, SCQ, Bacelos, Ad Hoc e Marisa Marimón levarán a máis de 60 artistas, os máis deles galegos, á edición número 25 da feira de arte ARCO, que empeza este xoves en Madrid. Este ano de vodas de prata o país convidado é Austria, coincidindo coa presidencia da Unión Europea este semestre por parte deste país. Entre as novidades deste ano cómpre destacar o programa "Dezaseis proxectos de arte española", co que se quere render homenaxe á creación neste 25 aniversario da feira e no que participa a galería ourensá de Marisa Marimón cunha proposta centrada na combinación do debuxo co filme, realizada polo artista compostelán Vicente Blanco.