Vieiros

cara á revisión do actual modelo de financiamento foi asunto destacado na rolda conxunta que deron o presidente da Xunta de Galiza, Emilio Pérez Touriño, e o presidente do Principado de Asturias, Vicente Álvarez Areces. Os dous mandatarios coincidiron na avaliación das posibilidades de colaboración cara ao novo escenario que ten cita inminente co próximo Consello de Política Fiscal e Financieira a comezos de febreiro.

Touriño referiuse ao "maior custo dos servizos públicos" que comunidades coma Galiza e Asturias deben afrontar debido á dispersión dos núcleos poboacionais e ao avellentamento da poboación. Así, opinaron que a revisión do financiamento debe ter en conta esas características e responder ás maiores esixencias económicas galegas e asturianas. No mesmo sentido se referiron ao respecto do Fondo de Compensación Interterritorial e ao Fondo de Suficiencia. "É necesario que estes instrumentos cumpran coas funcións básicas que a Constitución xa deixou previsto", apuntou Touriño, "debe mirarse polos reequilibrios territoriais e a cohesión social e igualdade dos cidadáns".