Vieiros

O estudo presentado asegura que "non se identificaron impactos das dúas fábricas sobre a biodiversidade e os hábitats naturais" e argumenta a prol do proxecto o feito de estárense construíndo "en terras que se usaban para o agro", asegurando que "non lle afectarán á vida acuática e ao uso recreativo do río Uruguai". O borrador subliña tamén que as emisións contaminantes previstas para estas dúas papeleiras cumprirán as normas do Banco Mundial, e recoñece que en determinadas circunstancias os gases ulorosos poderán sufrirse en distancias de entre 5 e 10 km. A responsabilidade directa deste novo informe correspóndelle en exclusiva á Corporación Financieira Internacional, o organismo que inicialmente xa comprometera o seu apoio económico a esta obra. Lembrámoslles que en conreto, o proxecto de ENCE tén un custo estimado de 542,5 millóns de euros, dos que a CFI até 164,5 millóns.

Ao respecto, Jorge Busti, gobernador de Entre Ríos, advertiu sobre a falta de veracidade do informe, atribuíndolle ao director de Fabricación da Corporación Financieira, Dimitris Tsitsiragos, intereses directos no proxecto das papeleiras. Busti dixo que ese borrador baséase no propio informe realizado por unha consultora que xa fora impugnado diante da defensora do pobo no Banco Mundial. Ao tempo, dixo agardar a independencia do informe que nas próximas semanas se espera que dea a coñecer a propia defensora do pobo do BM, Meg Taylor.

Busti revelou que as xuntanzas realizadas entre as administracións arxentina e uruguaia nos últimos tempos non amosaron avances significativos e dixo estar seguro de que a desputa que enfronta aos dous gobernos "vai rematar no Tribunal Internacional da Haia". O goberno insistiu en que a oposición arxentina á construcción das papeleiras "non é cuestión contra a nación uruguaia, senón unha cuestión en defensa do medio ambiente".

Recomendámoslles ampliar no diario uruguaio La República e no arxentino Clarín.