Edición xeral
A Xunta pide que se supriman as peaxes da autoestrada cando hai retencións
Os lumes forestais e as protestas dos propios traballadores da empresa Audasa presionando a prol de subas nos seus salarios provocaron no que vai de agosto dúas retencións especialmente problemáticas na AP-9. Non é a primeira vez que por estes ou outros motivos se produce un colapso nesta vía, e en todos os casos Audasa teima en seguir cobrando as peaxes. Noutras xeografías, caso de Cataluña, é habitual que se deixe de cobrar para alixeirar o tráfico. Dende o goberno galego piden que se definan criterios neste sentido.
"Convén que Fomento e Audasa, en colaboración coa consellaría, traballen para concretar as condicións básicas que garantan unha prestación axeitada do servizo e que se definan esas situacións especiais onde os conductores queden exentos de pagar o importe da peaxe", explica a misiva, que asinada pola nova responsábel da consellaría de Política Territorial, María Xosé Caride, lle foi remitida a Audasa e ao ministerio de Fomento.
O goberno autonómico faise eco así da que vén sendo tamén unha petición reiterada tamén dende a Plataforma Cidadá pola Supresión das Peaxes. Política Territorial lembra que "a axeitada prestación de servizos é prioritaria para o bo funcionamento das relacións sociais e económicas en Galiza, considerando o papel de vertebración que esta infraestrutura ten na nosa economía".
Ligazóns
- A Plataforma critica a non inclusión da supresión da peaxe de Rande no acordo asinado
- Os deputados votarán, unha vez máis, sobre a supresión das peaxes
- Touriño di que Feijoo lle copiou a proposta para a supresión da peaxe de Rande
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto