A Fundación de Exposicións e Congresos da Estrada é a encargada de convocar a décima edición do Premio Xornalístico Manuel Reimóndez Portela, que ten por obxectivo contribuír ao fomento e á difusión da lectura. O galardón concederáselle ao mellor traballo ou serie de traballos (cinco como máximo) sobre a lectura, publicados en lingua galega en calquera dos medios escritos. Os traballos poden presentarse ata o 30 de xullo deste ano e a dotación económica do premio será de 1.500 euros.