Vieiros

A alpinista viguesa Chus Lago é a primeira muller que consegue coroar en solitario o cumio do Macizo Vinson, a montaña máis alta (5.144 metros) da Antártida. O obxectivo principal da alpinista era abrir unha nova ruta, chamada Galfrío, nos accesos ao Vinson. O 25 de decembro, día do seu aniversario, cunhas temperaturas próximas aos 50 graos baixo cero, Chus Lago logrou chantar a bandeira galega no curuto da montaña máis elevada do continente antártico. A alpinista empregou dous días na escalada.