Vieiros

Segundo o ministerio de Agricultura, o total de 166 vacas tolas detectadas durante o 2003, logo das 127 do 2002 e as 82 no 2001 está dentro das "previsións e corresponde ao período de uso masivo de fariñas de carne que se fixo a mediados dos anos 90. Agardamos que as cifras comecen a descender dende o 2004".

Dende a Cámara Agraria luguesa, o seu presidente Xosé Antón Ledo dixo dubidar de que "o sector estea recuperado a nivel xeral". Así, lembrou que malia que esa recuperación poida parecer perceptible en relación a denominacións de orixe como a de Tenreira Galega, "aínda é minoría a xente que está dentro da denominación".

Nese sentido, asegurou que cooperativas e productores insisten en que aínda non hai estabilidade nos prezos. Criticou de paso que a consellería "non tén unha política agraria para Galiza e converteuse nuha simple xestora de subvencións chegadas da UE".