Vieiros

Crear direccións de correo alternativas para entregar en determinados lugares, non amosar a dirección propia de correo en webs, foros, chats e outros sitios públicos, usar ferramentas de filtrado… son algúns dos consellos da Asociación de Internautas para a protección dos usuarios fronte á vaga de mensaxes non solicitadas que asolaga as caixas de correo dos cibernautas nos últimos tempos. Como parte da campaña Seguridade na rede, o colectivo fai escolma das recomendacións básicas a considerar para evitar o chamado spam. De paso insisten na necesidade de normativas eficaces contra esta práctica a nivel europeo e piden a colaboración dos fornecedores de servicios na loita.