Vieiros

A directora xeral de Política Educativa do goberno de Aragón, Carmen Martínez, sinalou en Fraga, durante a inauguración da VII Escola de Verán da Franxa, que a futura lei de linguas de Aragón se aprobará durante esta lexislatura. Sen embargo, dixo tamén que non se podía dar unha data, que o proceso sería longo, e que ata o momento estaban a estudiar as moitas alegacións que tivera o anteproxecto. Lembremos que o texto se expuxera, para a consulta pública, a través de internet e na porta de todos os centros culturais e de todos os concellos de Aragón.

Lembremos que, tralas eleccións autonómicas de maio, en Aragón formouse un goberno bipartito entre socialistas e os rexionalistas. A Chunta Aragonesista e Izquierda Unida, as formacións máis favorables á Lei, quedaron fóra do pacto. Por outra parte, Carmen Martínez dixo que agardaba que o convenio que asinou o goberno aragonés coa Generalitat hai uns meses para a mellora do ensino do catalán na Franxa, se convirta en breve e actuacións concretas.