Edición xeral
S.A. actúa en Compostela como símbolo de liberdade
A iniciativa dos músicos que o integran, o grupo Soziedad Alkoholika ofreceu un concerto na Sala Nasa de Compostela "para reinvindicar o dereito dos grupos musicais a expresarse con plena liberdade e normalidade", e para poder contestar ás "denuncias inxustificadas" que se teñen verquido contra eles nos últimos días, e que acabaron coa prohibición da actuación programada para o pasado día 26 de abril.
O concerto celebrouse, pois, sen outra intención "que a de rexeitar públicamente a censura imposta polo Concello de Santiago a determinados actos e artistas, e para reivindicar o clima de tolerancia e normalidade con que se ten desenvolvido ata agora a actividade cultural nesta cidade".
Así di o comunicado da Sala Nasa de Compostela, que acolleu na noitiña do luns 28 de abril o concerto do grupo vasco.
Xunto a eles, estiveron "decenas de músicos, productoras, promotoras e grupos galegos para amosar a súa repulsa cara este tipo de prohibicións e censuras que están a alterar gravemente a vida cultural da cidade de Santiago nas últimas semanas", continúan desde a Nasa.
O concerto de Soziedad Alkohólica foi suspendido polo concello compostelán, a petición da Asociación de Víctimas del Terrorismo, que acusa ao grupo vasco de proetarra.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto